Skip to main content

ISIS, refugjatët dhe Rusia: Sfidat e mëdha të Europës në 2016


Cilat janë sfidat e mëdha me të cilat Europa do të përballet në vitin 2016? Forumi Ekonomik Ndërkombëtar (WEC) është përpjekur të japë një përgjigje për to.
Fondacioni me bazë në Gjenëvë mendon se Europë do të ketë të paktën 4 sfida të mëdha në vitin 2016.
Çështjet më të rëndësishme për qytetarët europianë sipas WEC janë katër:
1.Brexit, dalja e Britanisë së Madhe nga Bashkimi Europian. Sipas ekonomistëve dalja e BM do të ketë një efekt negativ mbi ekonominë britanike duke e përkeqësuar ndjeshëm. Por opinioni publik është i ndarë: disa mendojnë të kundërtën ndërkohë që ka dhe shumë të pavendosur. Shumica e ekonomistëve mendojnë se rreziku më i madh i Brexit është paqartësia e gjendjes pas daljes nga BE, që do të bllokonte investimet e huaja, do të frenonte konsumin duke dëmtuar ndjeshëm rritjen ekonomike.
2.Menaxhimi i emigracionit. Më shumë se 1,8 milionë persona hynë në territorin e BE-së nga janari deri në tetorin e vitit të shkuar. Gjysma e tyre ka kërkuar azil. Shpërndarja e emigrantëve kryesisht në Ballkanin perëndimor dhe në Gjermani tregoi se sa i papërshtatshëm është Traktati i Shengenit. Në 2016 BE do të ketë në dispozicion më pak se gjashtë muaj për t’u përgatitur për fluksin e madh të emigrantëve që do të vijnë në verë. Të gjesh një zgjidhje të përbashkët mes shteteve anëtare nuk do jetë gjë e lehtë, sidomos duke parë ngjarjet e fundit të dhunës në Gjermani që kanë shqetësuar jo pak gjithë pjesën tjetër të Europës.
3.Prezenca shqetësuese e Shtetit Islamik. Veç emigrimit një prej faktorëve që i shtohet kontrolleve në kufij, është edhe frika e një sulmi të ri terrorist nga ana e xhihadistëve që mund të hyjnë si refugjatë. Kjo është shumë e mundur, duke parë si rodhën ngjarjet e Parisit. Infiltrimi i tyre përmes refugjatëve do ta bëjë të pamundur luftimin e Shetit Islamik dhe do të mbajë në tension gjithë kohën Bashkimin Europian.
4.Shkrirja e akujve me Rusinë. Pjesëmarrja e Rusisë në operacionet ushtarake në Siri mund të ngrohë marrëdhëniet e Putin me Europën dhe mund t’i japë fund sanksioneve të BE ndaj Rusisë. Kjo do të shërbente në uljen e tensioneve BE-Rusi që kanë destabilizuar ekonominë dhe gjeopolitikën ndërkombëtare./ Përgatiti Amarildo Lumani

Popular posts from this blog

KADARE ME «KUSH E SOLLI DORUNTINËN» U NXIT SHQIPTARËVE ARMIQËSINË ME PERËNDIMIN DHE E BËN IDEATORIN E BESËS PËRDHUNUES TË MOTRËS

Novela e Ismail Kadare, «Kush e solli Doruntinën», e botuar për herë të parë në vitin 1980, mbahet si një nga kryeveprat e këtij shkrimtari. Por kjo novelë, që më pas është quajtur dhe roman, siç ka ndodhur me pjesën më të madhe të novelave të Ismail Kadare, është në fakt një projektim në të shkuarën, me bazë një legjendë të vjetër, i paradigmave ideologjike të propa­gandës së regjimit komunist, të kohës kur u shkrua kjo novelë. Më konkretisht, Kadare letrarizon, me një pro­jek­tim në të shkuarën, paradigmën izolacioniste antiperëndi­more, sipas së cilës gjendja e Shqipërisë komuniste, e kohës kur shkrua­nte autori, si e rrezikuar nga Lindja dhe Perëndimi dhe e izoluar prej tyre, qe një vazhdim i një linje të gjithkoh­shme të historisë shqiptare. Pikërisht Kadare këtë e paraqit tek novela «Kush e solli Doruntinën», e cila u botua në vitin 1980, menjëherë pas prishjes së Shqipërisë enveriane me Kinën, aleatin e vet të fundit të madh. Tash Shqipëria komu­niste i shihte si njëlloj armiq …

ISMAIL KADARE TEK «URA ME TRI HARQE» I PARAQET SHQIPTARËT SI TRIBU XHUNGLE QË EDHE URËN E PARË TË GURTË UA NDËRTUAN SLLAVËT

Novela e Ismail Kadare, «Ura me tri harqe», e botuar së pari në vitin 1978, si pjesë e triptikut (tre novela) me të njëjtin titull, dhe e ribotuar me disa ndryshime në periudhën paskomuniste (këtu i referohem botimit më të fundit, të vitit 2004), mba­het si një nga kryeveprat e Ismail Kadare. Ajo është përkthyer në shumë gjuhë të huaja, por si për të gjithë librat e Kadaresë nuk kemi të dhëna për numrin e kopjeve të botuara dhe të shitura në gjuhë të huaj. Megjithatë, edhe për aq sa është botuar dhe lexuar nga të huajt, ky libër i ka bërë një dëm të madh nacionit (kom­bit) shqiptar, se sipas këtij libri shqiptarët dalin si një popull shumë më i prapambetur se fqinjët në prag të okupimit turk (ngjarjet në novelë zhvillohen në gjysmën e dytë të shekullit XIV), që në këtë kohë nuk kanë ndërtuar as ura të thjeshta prej guri, dhe habiten kur dëgjojnë se mund të ndër­tohet një e tillë. Novela është një projektim në të shkuarën e lar­gët mesjetare e paradigmës ideologjike komuniste të kohës …

KUSH ESHTE HAMLETI?

Nga Profesor Alfred Uçi

Një kritik ka thënë se emrin e Hamletit e dinë të gjithë njerëzit, jo vetëm ata që e kanë lexuar tragjedinë shekspiriane ose që e kanë parë në skenë e në ekran. E me gjithë këtë, para ndërgjegjes estetike njerëzore mbetet pa përgjigje përfundimtare pyetja enigmë: Ç’është Hamleti? Nuk besojmë të ketë një figurë tjetër letrare, për të cilën të jenë zhvilluar shekuj me radhë diskutime pa fund dhe të jenë dhënë aq shumë përgjigje të mençura, të thella, origjinale, ndonëse të pamjaftueshme, se sa për Hamletin(Është llogaritur se zbërthimit të Hamletit i janë kushtuar rreth 25 mijë studime kritiko-letrare). Pyetjes së parë, mund t’i shtohet një pyetje e dytë: A mund të ketë në përgjithësi përgjigje shterruese për këtë çështje? Në përpjekjet për të dhënë shpjegime, në krye qëndron vetë drama e Shekspirit, që bart jo vetëm enigmën, por edhe mundësinë e deshifrimit të saj të saktë. Më mirë se Shekspiri, kush mund ta dinte se ç’është Hamleti! Prandaj vëmendja kryesore dre…