Skip to main content

Siria “rikthehet” në botën e internetit

Gjatë ditës së mërkurë është raportuar rikthimi i internetit pas një ndërprerje prej gati tetë orë e gjysmë. Sipas Renesys, që është një ndërmarrje që vëzhgon internetin, trafiku në internet filloi të rrjedhë përgjatë kufijve sërish në ora 6.26 pas dite, sipas kohës lokale të së mërkurës në Damask, pas një ndërprerjeje prej tetë orë e 25 minutave.
Vëzhgimi i trafikut në kohë reale nga Google paraqiti po ashtu shërbimin e shtetit i cili nuk punonte, e që më pas u rikthye online. Shërbimi i internetit i Sirisë kishte pasur ndërprerje po ashtu për rreth 20 orë më 7 dhe 8 maj.
Autoritetet siriane atëherë fajësuan një keqfunksionim të kabllos optike. Sipas një raporti nga Associated Press, kësaj here, autoritetet thanë që një bombardim nga rebelët për rreth 60 kilometra në veri të Damaskut solli ndërprerjen. Ai informacion nuk ishte në dispozicion menjëherë në uebfaqen e Ministrisë siriane të Komunikimit dhe Teknologjisë.
Ndërprerja e të mërkurës erdhi në të njëjtën ditë kur Asambleja e Përgjithshme e Kombeve të Bashkuara pritej që të aprovonte një rezolutë për të përkrahur një tranzicion politik në Siri dhe për të ndëshkuar presidentin e Sirisë, Bashar Assad, për përdorimin e armëve të artilerisë së rëndë kundër rebelëve në luftën civile që po zhvillohet prej shumë muajsh.
CTO i Renesys, James Cowie, në një cicërimë pyeti nëse ndërprerja e fundit kishte të bënte me debatin e Kombeve të Bashkuara. Autoritetet siriane do të mund të urdhëronin ndërprerjen e objekteve të “switchave” kritikë për të përçarë trafikun, tha ai.
Një kabllo që nuk funksionon si duhet do të mund të ishte një “shpjegim bindës”, ndonëse do të duhej që të kishte prekur një lokacion kritik, tha Cowie. (PCWorld Albanian)

Popular posts from this blog

Psikologu irlandez: Religjionet do të zhduken!?

Hulumtimin e tij Barber i kishte bërë në 137 shtete. Ndërsa, sipas tij, nga këto hulumtime doli se në çdo shtet të zhvilluar ateizmi është në rritje. Rezultatet e hulumtimit të tij i shkroi në një artikull për Psychology Today. Ai vë në dukje se në vendet në zhvillim, të tilla si ato të Afrikës, ateizëm fare nuk ka. Në anën tjetër, në shtetet e zhvilluara evropiane ateizmi është në rritje. Barber përmend si shembuj Suedinë (64 për qind ateistë), Danimarkën (48 për qind ateistë), Francën (44 për qind ateistë) dhe Gjermaninë (42 për qind ateistë). Antropologët, thotë Barber, vitet e fundit merren me çështjen se pse ateizmi është në rritje në vendet ekonomikisht të zhvilluara. Antropologu James Fraser pohon se feja është një mjet me të cilin njerëzit ndihmohen të përballen me pasigurinë ekzistenciale. Barber beson se kjo tezë është e saktë. “Ka shumë gjasa që ateistë do të jenë njerëzit me fakultet që jetojnë në qytete”, thotë ai. Barber gjithashtu pohon se ka shumë ateistë në vendet ku paba…

KADARE ME «KUSH E SOLLI DORUNTINËN» U NXIT SHQIPTARËVE ARMIQËSINË ME PERËNDIMIN DHE E BËN IDEATORIN E BESËS PËRDHUNUES TË MOTRËS

Novela e Ismail Kadare, «Kush e solli Doruntinën», e botuar për herë të parë në vitin 1980, mbahet si një nga kryeveprat e këtij shkrimtari. Por kjo novelë, që më pas është quajtur dhe roman, siç ka ndodhur me pjesën më të madhe të novelave të Ismail Kadare, është në fakt një projektim në të shkuarën, me bazë një legjendë të vjetër, i paradigmave ideologjike të propa­gandës së regjimit komunist, të kohës kur u shkrua kjo novelë. Më konkretisht, Kadare letrarizon, me një pro­jek­tim në të shkuarën, paradigmën izolacioniste antiperëndi­more, sipas së cilës gjendja e Shqipërisë komuniste, e kohës kur shkrua­nte autori, si e rrezikuar nga Lindja dhe Perëndimi dhe e izoluar prej tyre, qe një vazhdim i një linje të gjithkoh­shme të historisë shqiptare. Pikërisht Kadare këtë e paraqit tek novela «Kush e solli Doruntinën», e cila u botua në vitin 1980, menjëherë pas prishjes së Shqipërisë enveriane me Kinën, aleatin e vet të fundit të madh. Tash Shqipëria komu­niste i shihte si njëlloj armiq …

ISMAIL KADARE TEK «URA ME TRI HARQE» I PARAQET SHQIPTARËT SI TRIBU XHUNGLE QË EDHE URËN E PARË TË GURTË UA NDËRTUAN SLLAVËT

Novela e Ismail Kadare, «Ura me tri harqe», e botuar së pari në vitin 1978, si pjesë e triptikut (tre novela) me të njëjtin titull, dhe e ribotuar me disa ndryshime në periudhën paskomuniste (këtu i referohem botimit më të fundit, të vitit 2004), mba­het si një nga kryeveprat e Ismail Kadare. Ajo është përkthyer në shumë gjuhë të huaja, por si për të gjithë librat e Kadaresë nuk kemi të dhëna për numrin e kopjeve të botuara dhe të shitura në gjuhë të huaj. Megjithatë, edhe për aq sa është botuar dhe lexuar nga të huajt, ky libër i ka bërë një dëm të madh nacionit (kom­bit) shqiptar, se sipas këtij libri shqiptarët dalin si një popull shumë më i prapambetur se fqinjët në prag të okupimit turk (ngjarjet në novelë zhvillohen në gjysmën e dytë të shekullit XIV), që në këtë kohë nuk kanë ndërtuar as ura të thjeshta prej guri, dhe habiten kur dëgjojnë se mund të ndër­tohet një e tillë. Novela është një projektim në të shkuarën e lar­gët mesjetare e paradigmës ideologjike komuniste të kohës …